طبخ

صينية فراخ ورز أحمر بالبطاطس بطريقة مختلفة وجديدة

المكونات :

المكونات لعمل الفراخ :

  • فرخة مغسولة كويس ومتقطعه 4 ارباع .
  • بصلتين كبار مفرومين للفراخ .
  • 4 فصوص ثوم مفروم .
  • ملح .
  • فلفل أسود .
  • ماجي .
  • زيت وزبدة وسمنة بلدي .

المكونات لعمل أرز احمر بالبطاطس :

  • 2 كوب أرز مغسول .
  • كوب صلصة طماطم .
  • كوب ماء .
  • 1 بصلة صغيرة متقطعه علي الايد .
  • 1 بطاطس كبيرة متقطعه مكعبات .
  • ملح .
  • فلفل أسود .
  • ماجي .
  • رشة كمون صغيرة .
  • زيت وزبدة وسمنة بلدي .
صينية فراخ ورز أحمر بالبطاطس بطريقة مختلفة وجديدة
صينية فراخ ورز أحمر بالبطاطس بطريقة مختلفة وجديدة

طريقة تحضير صينية الفراخ :

– في حلة علي النار زيت علي زبدة علي سمنة بلدي وندي صدمة للفراخ لحد ما تتحمر.

– نشيل الفراخ من الحلة ونضع مكانها البصل والثوم ونقلب الي ان يتغير لونه ثم نضع الملح والفلفل الاسود والماجي.

– ننزل قطعه فراخ ونقلب ثم ننزل بالقطعه الاخري ونقلب وهكذا حتى نضع الفرخه كلها.

– نضع مقدار صغير من الماء علي الفراخ ( حوالي كوب ماء ) ونسيبها تغلي.

– نوطي النار بعد الغليان حتي اكتمال التسوية.

طريقة تحضير الارز الاحمر بالبطاطس :

– في حلة علي نار نضع السمنة والزبدة والزيت ونضع عليهم البصل ونقلب لحد ما يكون البصل لونه دهبي خفيف ونرش رشة ملح عشان تساعد البصل علي سرعة التدبيل.

– نضع البطاطس علي البصل ونستمر في التقليب

– نحط الارز المغسول علي البطاطس ونضع الملح والفلفل الأسود والماجي .

– ننزل بعصير الطماطم والماء ونقلب ونغطي الحله عليها ونترك حتي الغليان وبعدين نوطي عليه لتتم عملية التسويه.

وبكده يكون طبق اليوم جاهز للتقديم وبألف هنا ^_^


اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق
إغلاق